साहित्य
रेड सॉस साहित्य
- २ छोटे आल्याचे तुकडे
- ४-५ लसूण
- १ लहान कांद्याचे काप
- १ लहान टोमॅटोचे काप
- अर्धा कप पाणी
- २ टीस्पून तेल
- १ टीस्पून लाल मिरची पावडर
- पाव चमचा ओरिगॅनो (ऐच्छिक)
- १ टीस्पून साखर
- चवीनुसार मीठ
व्हाईट सॉस साहित्य
- १ टेबलस्पून बटर
- १ टेबलस्पून मैदा
- अर्धा कप दूध
- १ टीस्पून पाणी
- चवीनुसार मीठ
पिझ्झा साहित्य
- अर्धा कप पेक्षा थोडा जास्त मैदा
- चवीनुसार मीठ
- अर्धा टीस्पून पिठी साखर
- पाव कप बेकिंग पावडर
- पाव कप बेकिंग सोडा
- १ टीस्पून वितळलेले तूप
- ३ टेबलस्पून दही
- १ टेबलस्पून पाणी
- बेकिंग साठी कढईत ठेवण्यासाठी अर्धा कप मीठ
- स्वीटकॉर्न सजावटीसाठी
- कांद्याचे काप सजावटीसाठी
- ढोबळी मिरचीचे काप सजावटीसाठी
- टोमॅटोचे काप सजावटीसाठी
- लाल मिरची पावडर
कृती
रेड सॉस कृती
- एक पॅन गॅसवर ठेवून त्यात आले, लसूण, कांदा, टोमॅटो, पाणी घालून पॅनचे झाकण बंद करा
- मंद आचेवर ५ ते ७ मिनटं शिजवा
- गॅस बंद करून मिश्रण थंड करा
- आता मिश्रण मिक्सर मध्ये ग्राइन्ड करा
- आता एक पॅन गॅसवर ठेवून त्यात तेल घाला आणि वरती बनवलेली पेस्ट थोडी घाला
- वरून लाल मिरची पावडर, ओरिगॅनोघालून मिक्स करा
- आता उरलेली पेस्ट घालून थोडे पाणी, साखर, मीठ घाला
- झाकण लावा आणि कडेने तेल येईपर्यंत शिजवा
- तुमचे रेड सॉस तयार आहे
व्हाईट सॉस कृती
- एक पॅन गॅसवर ठेवून त्यात बटर घालून वितळवून घ्या
- आता यात मैदा घालून मिक्स करा आणि मंद आचेवर ३ ते ४ मिनिट शिजवा सतत ढवळत रहा
- आता दूध घाला आणि थोडं घट्ट होईपर्यंत शिजवा
- गरज भासल्यास चमचाभर पाणी घाला
- चिमूटभर मीठ घाला
- तुमचे व्हाईट सॉस तयार आहे
पिझ्झा कृती
- मैदा, मीठ, साखर, बेकिंग पावडर आणि बेकिंग सोडा एकत्र करून मिसळून घ्या
- वरील मिश्रणात तूप, दही, पाणी घालून छान मिक्स करून कणिक तयार करा
- थोडी पातळसर कणिक तयार होईल. वाटल्यास थोडे पाणी अजून घाला
- आता १० मिनटं कणिक छान मळा. छान स्मूथ गोळा तयार करा
- आता कणिक बाउल मध्ये ठेवून वरून ओल्या फडक्याने १ तास झाकून ठेवा
- एक कढई घेऊन त्यात मीठ घाला, वर स्टॅन्ड ठेवा आणि झाकण लावून मध्यम आचेवर १० मिनिटं गरम करा
- प्लेट घेऊन तिला तेलाने ग्रीस करा
- आता कणिक घ्या आणि पुन्हा मळून घ्या
- या कणकेची पोळी लाटा. खूप जाड लाटू नका कारण शिजल्यावर पिझ्झा अजून फुगतो
- आता हि पोळी प्लेट मध्ये ठेवा
- कडेने तेल लावा
- रेड सॉस पसरावा
- वरून व्हाईट सॉस पसरावा
- वरून स्वीटकॉर्न, कांद्याचे काप, ढोबळी मिरचीचे काप आणि टोमॅटोचे कापने सजवा
- मध्ये मध्ये व्हाईट सॉस घाला
- लाल मिरची पावडर भुरभुरवा
- आता पिझ्झ्याची प्लेट कढईत ठेवा आणि मंद आचेवर २० ते २२ मिनटं बेक करा
- छान मस्त पिझ्झा तयार झालाय ! कापून सर्व्ह करा
