साहित्य
- २०० ग्रॅम मैदा (१ मोठा कप किंवा पाण्याचा ग्लास)
- अर्धा चमचा मीठ
- १ चमचा साखर
- ३ चमचे तेल
- अर्धा पॅकेट रेगुलर इनो (फ्लेवर विरहित)
- २ चमचे दूध
- ४ चमचे दही
कृती
- एका भांड्यात मैदा घेऊन त्यात मीठ, साखर, दही घाला आणि छान मिक्स करून घ्या
- यात इनो घालून हाताने छान मिक्स करून घ्या
- नंतर हळू हळू पाणी घालून छान कणिक मळून घ्या. कणिक तयार झाल्यावर १५-२० मिनिटे आणखी मळा
- नंतर थोडे तेल घाला आणि पुन्हा ५ मिनिटे मळून घ्या
- अलुमिनियम किंवा नॉन स्टिक चे पातळ भांडे घ्या आणि आतून तेलाचा ब्रश फिरवा व सगळीकडे मैदा भूरभूरवा
- नंतर कणकेचे एकसमान गोळे करा. गोळे करताना गरज पडल्यास थोडा मैदा वापरा
- पावाचे गोळे भांड्यात ठेवा आणि प्रत्येक गोळ्याच्या वरील भागाला दुधाच्या ब्रशने ग्रीसिंग करा (तत्पूर्वी दुधात थोडी साखर घाला)
- भांड्याला ओल्या फडक्याने झाका आणि १० मिनिटे ठेवून द्या
- कुकर मध्ये तळाला मीठ घाला व वरून स्टॅन्ड ठेवा, कुकरच्या झाकणाची शिटी, रिंग काढून झाकण लावा आणि ५ मिनिटे गॅस वर कुकर प्रीहीट करण्यासाठी ठेवा
- कुकर प्रीहीट झाल्यावर पावगोळे ठेवलेले भांडे कुकर मध्ये स्टॅन्ड वर ठेवा व झाकण लावा (शिटी आणि रिंग नको)
- नंतर पहिले १० मिनिट मोठ्या आचेवर आणि पुढील १० मिनिटे मंद आचेवर बेक करा
- एकदा झाकण उघडून चेक करा
- बेकिंग झाल्यावर झाकण उघडा आणि भांडे बाहेर काढून घ्या
- भांड्यात पाव असताना वरून ब्रशने तेल किंवा बटरने ग्रीसिंग करा
- भांड्याला ओल्या फडक्याने झाका आणि १० मिनिटे ठेवून द्या
- शेवटी पाव भांड्यातून बाहेर काढून वापरा
सूचना
- वरील कृतीत यीस्ट, बेकिंग पावडर, बेकिंग सोडा वापरलेला नसल्याने पाव खूप स्पॉंजी होत नाहीत
- वरील कृती तंतोतंत पाळली तरी सुद्धा बाकी इतर अनेक गोष्टींमुळे पाव थोडा कडक किंवा कमी जास्त बेक होऊ शकतो
- थोड्या प्रॅक्टिसने पाव व्यवस्थित बनायला लागतील
- स्टीलचे भांडे वापरू नये. केकचा राऊंड नॉन-स्टिक मोल्ड किंवा अलुमिनियम मोल्ड घेतल्यास उत्तम
- पाव सॉफ्ट व स्पॉंजी होण्यासाठी महत्वाच्या स्टेप्स – कणिक छान मळणे, सुरवातीला पावाच्या गोळयांना साखर दुधाच्या पाण्याने ग्रीसिंग करणे, बेकिंग पूर्वी ओल्या फडक्याने झाकणे, बेकिंग नंतर तेल किंवा बटरने पावांना ग्रीसिंग करणे, शेवटी ओल्या फडक्याने झाकून ठेवणे
अशा आणखी बेकिंग टिप्स / बेकिंग आयडियाज आणि रेसिपीज साठी जवळील व्हाट्सऍप आयकॉन वर क्लिक करून आमचा व्हाट्सअप ग्रुप जॉईन करा
