साहित्य
स्टफिंग साहित्य
- २ टीस्पून तेल
- अर्धा टीस्पून जीरा
- अर्धा कांदा बारीक किसलेला
- १ हिरवी मिरची बारीक किसलेली
- १ टीस्पून आले -लसणाची पेस्ट
- थोडे मुळा, वाटाणा, बिट काप
- अर्धा टीस्पून हळद
- अर्धा टीस्पून लाल मिरची पावडर
- अर्धा टीस्पून गरम मसाला
- अर्धा टीस्पून आमचूर
- २ उकडलेले बटाटे
- २ टेबलस्पून बारीक कापलेली कोथिंबीर
कणिक साहित्य
- ३ कप मैदा + अर्धा कप मैदा
- चवीनुसार मीठ
- २ टेबलस्पून बटर + ४०० ग्रॅम बटर
- थंड पाणी
- २ टीस्पून लिंबाचा रस
कृती
स्टफिंग
- कढई गॅस वर ठेवून तेल, जीरा, किसलेला कांदा, आले -लसणाची पेस्ट घालून छान परतून घ्या
- वरून मुळा, वाटाणा, बिट काप घाला आणि परत छान परतून घ्या
- चवीनुसार मीठ घाला
- कढईचे झाकण लावून १० मिनिटं शिजवा
- आता हळद, लाल मिरची पावडर, गरम मसाला, आमचूर घालून मंद आचेवर परतून घ्या
- यात उकडलेले बटाटे स्मॅश करून घाला
- छान मिक्स करा
- आता बारीक कापलेलीकोथिंबीर घाला
- आता तुमचे स्टफिंग तयार झाले
कणिक आणि पफ बनवणे
- एका बाउल मध्ये ३ कप मैदा घेऊन त्यात मीठ आणि २ टेबलस्पून बटर घालून छान मिक्स करा
- थंड पाणी घालून छान स्मूथ आणि सॉफ्ट कणिक मळून घ्या
- बाउल मध्ये कणिक ठेवून वरून ओल्या फडक्याने झाका आणि १५ मिनिटं फ्रिज मध्ये ठेवा
- दुसऱ्या बाउल मध्ये ४०० ग्रॅम बटर किसून घ्या
- यात लिंबाचा रस घाला
- चवीनुसार मीठ घाला
- आता अर्धा कप मैदा घाला
- छान मिक्स करून कणिक तयार करून घ्या आणि १५ मिनिटं फ्रिज मध्ये ठेवा
- आता पहिले बाउल फ्रिजमधून बाहेर काढा आणि पुन्हा छान मळून घ्या
- आता थोडी जाडसर पोळी लाटा
- आता दुसरे बाउल बाहेर काढा आणि चौकोनी ठोकळा तयार करून वरील पोळीच्या मधोमध ठेवा
- चारही बाजूने पोळी वरील चौकोनी ठोकळ्यावर फोल्ड करा
- मस्त रॅप केलेला ठोकळा तयार होईल
- बाउल मध्ये ठेवून वरून झाका आणि १५ मिनिटं फ्रिज मध्ये ठेवा
- बाहेर काढून वरून मैदा भुरभुरवा
- आता लाटून घ्या आणि परत फोल्ड करा आणि १५ मिनिटं फ्रिज मध्ये ठेवा असे ५-६ वेळा करा
- आता फोल्ड केलेली पोळी बारीक लाटून घ्या
- छोटे छोटे आयताकृती तुकडे तयार करा
- प्रत्येक तुकडयांवर १ टेबलस्पून स्टफिंग घाला
- करंजीसारखे अर्धे दुमडून पफचा आकार द्या आणि कडा बंद करा
- एका ट्रे मध्ये सर्व पफ ठेवून वरून बटरने ब्रश करा
- ओव्हन १४० डिग्रीला १० मिनिटं प्रीहीट करा
- नंतर वरील ट्रे ओव्हन मध्ये ठेवून २५ मिनिटं बेक करा
- तुमचे छान पफ/व्हेज पॅटिस तयार झालेत !
अशा आणखी बेकिंग टिप्स / बेकिंग आयडियाज आणि रेसिपीज साठी जवळील व्हाट्सऍप आयकॉन वर क्लिक करून आमचा व्हाट्सअप ग्रुप जॉईन करा
