सध्या आंब्याचा हंगाम आहे.आंबा वर्षातून एकदाच येणारे फळ. म्हणून आंब्यापासून विविध पदार्थ बनवण्याची हीच योग्य वेळ असते. चला तर मग बघूया आंब्याचा केक स्पॉंज कसा बनवायचा ते.
साहित्य
- १ हापूस आंबा
- १२० ग्रॅम मैदा
- १२० ग्रॅम पिठी साखर
- १ टेबलस्पून लोणी /अनसॉल्टेड बटर
- ३-४ वेलदोडे पूड
- ३-४ लवंगाची पूड
- १ दालचिनी पूड
- थोडे बेदाणे अर्धा चमचा
- खायचा सोडा अर्धा
- कप दूध
कृती
- हापूस आंब्याचा रस काढून एकदा मिक्सर मधून फिरवून घ्यावा म्हणजे एकसारखा होईल
- लोणी व पिठी साखर एकत्र फेटून घ्यावे
- नंतर त्यात आंब्याचा रस घालावा आणि पुन्हा चांगले फेटून घ्यावे
- यानंतर वेलदोडे, लवंग व दालचिनीची पूड घालावी
- वरील मिश्रणात खायचा सोडा दुधात मिसळून घालावा
- शेवटी त्यात हळूहळू मैदा घालून फेटून घ्यावे. हॅन्ड ब्लेंडरने किंवा मिक्सर मध्ये घुसळल्यास उत्तम वरील
- मिश्रण केकच्या भांड्यात ओतावे (केकच्या भांड्याला आधी थोडे तूप लावून घ्यावे)
- वरून बेदाणे घालून सजवावे
- ओव्हन १० मिनटे प्रीहीट करून घ्यावे
- शेवटी केकचे भांडे ओव्हन मध्ये ठेवून २५ मिनटे कॉन्व्हेक्शन मोड ला बेक करावे
- तुमचा छान आंबा केक तयार झालाय
मस्त आस्वाद घ्यावा व हि रेसिपी इतरांनाही पाठवावी व आपला अभिप्राय अवश्य लिहावा
धन्यवाद
-हर्षाली
Waah.. Thank you ma’am. So much informative.
Wow, Thanks for sharing the recipe..