साहित्य
- पाऊण कप गुळाचा किस किंवा गुळ पावडर
- अर्धा कप कोमट दूध
- ४ टेबलस्पून तूप
- पाव कप बारीक रवा
- १ कप गव्हाचे पीठ
- १ टीस्पून बेकिंग पावडर
- पाव टीस्पून बेकिंग सोडा
- चिमूटभर मीठ
- १ टीस्पून वेलदोडे पूड
- ड्रायफ्रूट्स काप (ऐच्छिक)
- टुटी फ्रुटी (ऐच्छिक)
कृती
- एका बाउल मध्ये गुळ घेऊन त्यात दूध घाला
- मिश्रण छान मिक्स करा आणि गुळ पूर्ण विरघळवून घ्या
- मिश्रण ५ मिनिटं बाजूला ठेवून द्या
- आता गुळ -दुधाच्या मिश्रणात साजूक तूप घाला आणि छान मिक्स करून घ्या
- दुसऱ्या बाउल मध्ये रवा घ्या
- यात वरून चाळणीने गव्हाचे पीठ, बेकिंग पावडर, बेकिंग सोडा, मीठ एकत्र गाळून घ्या आणि छान मिक्स करा
- आता गुळ -दुधाचे मिश्रण हळूहळू वरील पिठांत घालून छान बॅटर तयार करून घ्या
- बॅटर घट्ट झाल्यास थोडे दूध घाला
- आता वेलदोडे पूड आणि ड्रायफ्रूट्स काप घालून मिक्स करा
- केकच्या भांड्याला आतून तुपाने ग्रीसिंग करून घ्या म्हणजे केक चिकटणार नाही
- कुकर मध्ये स्टॅन्ड ठेवून १० मिनिटं गॅस वर कुकर झाकण लावून मध्यम आचेवर गरम करण्यासाठी ठेवा (शिटी व रिंग नको)
- बॅटर केकच्या भांड्यात ओता आणि खाली आपटून घ्या म्हणजे बॅटर एकसारखे होईल
- वरून टुटी फ्रुटी पेरा
- आता केकचे भांडे कुकरमध्ये ठेवा व झाकण लावा (शिटी व रिंग नको)
- ३० ते ३५ मिनिटं बेक करा
- ३० मिनिटानंतर टूथपिक किंवा चाकू घालून केक शिजलाय का ते बघून घ्या
- शिजल्यावर केकचे भांडे बाहेर काढून घ्या
- थंड करायला ठेवा
- थंड झाल्यावर केकचे भांडे उलटे करून केक स्पॉंज बाहेर काढा
- तुमच्या छान गुळ आणि गव्हाच्या पिठाचा केक स्पॉंज तयार झालाय !
अशा आणखी बेकिंग टिप्स / बेकिंग आयडियाज आणि रेसिपीज साठी जवळील व्हाट्सऍप आयकॉन वर क्लिक करून आमचा व्हाट्सअप ग्रुप जॉईन करा
