साहित्य
- २ उकडलेले बटाटे
- १ बारीक चिरलेली हिरवी मिरची
- १ टीस्पून किसून पेस्ट केलेले आले
- २ टेबलस्पून बारीक चिरलेली कोथिंबीर
- अर्धा टीस्पून मिरपूड
- १ टीस्पून मिक्स्ड हर्ब
- पाव टीस्पून जीरा पावडर
- पाऊण टीस्पून मीठ
- २ स्लाईस ब्रेड
- २ टेबलस्पून कॉर्न फ्लोअर
- २ टेबलस्पून मैदा
- पाव कप पाणी
- चुरलेले कॉर्न फ्लेक्स
कृती
- एका बाउल मध्ये उकडून स्मॅश केलेले बटाटे घ्या
- त्यात बारीक चिरलेली हिरवी मिरची, आले पेस्ट, बारीक चिरलेली कोथिंबीर, पाव टीस्पून मिरपूड, मिक्स्ड हर्ब, जीरा पावडर, अर्धा टीस्पून मीठ घाला
- आता ब्रेडच्या कडा काढून घ्या आणि छोटे छोटे तुकडे करून वरील मिश्रणात घाला
- आता सर्व मिश्रण छान मिक्स करून कणिक तयार करून घ्या
- मस्त सॉफ्ट कणिक झाली पाहिजे
- आता दुसऱ्या बाउल मध्ये कॉर्न फ्लोअर, मैदा, पाव टीस्पून मिरपूड, पाव टीस्पून मीठ आणि पाणी घालून छान मिक्स करा. गुठळ्या राहिला नकोत
- आता कणकेचा भाग घेऊन छोटा गोळा करून दाबा
- त्यावर चीजचा क्यूब ठेवून स्टफिंग करा आणि छान स्मूथ गोळा करा
- आता चीजचा गोळा कॉर्न फ्लोअरच्या बॅटर मध्ये बुडवा
- आणि नंतर चुरलेल्या कॉर्न फ्लेक्समध्ये घालून कोट करा
- असे सर्व गोळे करून घ्या
बेकिंग
- ओव्हन १८० डिग्रीला १० मिनटं प्रीहीट करा
- एका अलुमिनियम ट्रे मध्ये चीज गोळे ठेवून ओव्हन मध्ये १५ मिनटं बेक करा
- तुमचे छान चीज बॉल्स तयार झालेत !
किंवा
डीप फ्राय
- कढईत तेल गरम करा
- त्यात चीज बॉल्स डीप फ्राय करा
- सोनेरी तपकिरी होईपर्यंत फ्राय करा
- तुमचे छान चीज बॉल्स तयार झालेत !
