होम मेड चॉकलेट केक प्रिमिक्स रेसिपी – सोपी रेसिपी कुठल्याही प्रिझर्वेटिव्ह शिवाय !

साहित्य

  • सव्वा कप मैदा    
  • पाऊण कप पिठी साखर किंवा आयसिंग शुगर 
  • अर्धा कप मिल्क पावडर 
  • पाव कप कोको पावडर 
  • एक टेबलस्पून कॉर्नफ्लोवर
  • एक टीस्पून बेकिंग पावडर 
  • अर्धा टीस्पून बेकिंग सोडा 
  • पाव टीस्पून सायट्रिक ऍसिड 

कृती 

  • वरील सर्व घटक पदार्थ एकत्र करून मिक्सर मध्ये फिरवून घ्या  
  • वरील मिश्रण चाळणीने चाळून घ्या   
  • तुमचे चॉकलेट प्रिमिक्स तयार आहे 
  • तयार झालेले प्रिमिक्स हवाबंद डब्यात ठेवा 
  • वरील प्रिमिक्स हवाबंद डब्यात ठेवल्यास तुम्ही ३ महिन्यापर्यंत वापरू शकतात

काही सूचना व माहिती

  • प्रिमिक्स केकच्या रेसिपीत बटर, व्हिनेगर, दही, सोडा वॉटर, कंडेन्स्ड मिल्क नसते म्हणून कॉर्नफ्लोवर आणि सायट्रिक ऍसिड घालणे जरुरी असते 
  • बेकिंग पावडर, बेकिंग सोडा बरोबरच कॉर्नफ्लोवर आणि सायट्रिक ऍसिड यामुळे केक छान स्पॉंजी होतो  
  • बटर आणि कंडेन्स्ड मिल्क मुळे केकची किंमत वाढते 
  • बटर नसल्यामुळे प्रिमिक्सने केलेला केक १-२ दिवस ठेवला तरी सॉफ्ट राहतो 
  • बॅटर बनवून तयार झाल्यावर व्हिनेगरचा एक थेंब घाला आणि लगेच बेक करायला ठेवा. स्पॉंज छान फुगेल
  • प्रमाण अर्धा किलोच्या केकसाठी: पाव किलो प्रिमिक्स, १३० ml पाणी आणि ६० ml तेल मिक्स करून बॅटर बनवा. केक टिनमध्ये घालून १८० डिग्रीला ३५ मिनिटे बेक करा
  • कुकरमध्ये बेक करणार असाल तर मंद ते मध्यम आचेवर साधारण ४०-४५ मिनिटे बेक करा

वर दिलेल्या रेसिपीतील साहित्य तुम्ही ऑनलाईन सुद्धा मागवू शकता. त्यासाठी लिंक्स खाली देत आहे 

As an Amazon Associate I earn from qualifying purchases

अशा आणखी बेकिंग टिप्स / बेकिंग आयडियाज आणि रेसिपीज साठी जवळील व्हाट्सऍप आयकॉन वर क्लिक करून आमचा व्हाट्सअप ग्रुप जॉईन करा

Leave a Reply